Даькъала хилда Коталон Ди!

Даькъала хилда Коталон Ди!

Кховзткъеи кхойтта шу дуз, къиза моастаг1а эша а ваь, советски халкъо котало яьккха. Х1ара шера 9-ча мае вай дезду Коталон ц1ай. Из ди вай массане а юкъара да. Ха д1а мел йода маьлхара ца ерзаш, бесаза ца йоалаш кхы а сийрдаг1а хулаш хьайоаг1а 1945-ча шера вай халкъо яьккха котало.
Кхыдолча дуккхача къамий викалаша санна доккха дакъа лаьцад г1алг1аша 1941-1945 шерашка хиннача т1емашка. Ка маьхала яйла шун, ка аьга т1ехьашка ма далда шо! – аьнна, накъабоахаш хиннаб уж даьша-ноаноша, гаргарча а кхоачарча а наха. Шоашта Даьхено, къамо, бовзачар а безачар а т1адилла декхар толамца кхоачашдеш, моастаг1а юхатехав цари цар новкъосташеи. Дуккхабараш ахкийсаб т1ема аренашка. Цар сий ц1аккха довргдац, цар хьалъяь сийлен г1ала харцаргьяц, цар денала мах баь саг варгвац.
Маг1албике баха нах шоай шахьарах доккхал де йиш йолаш ба. Укхаза соцаваьв, къарваьв, юхатехав, эшаваьв кура-сонта ваьнна, сигала Даьла ва, лаьтта со ва яхаш воаг1а моастаг1а. Вай Маг1албикенах «Т1ема сийлен г1ала» яха ц1и тиллай.
Ц1аккха бесаза ма яйла вай коталон ц1и!
У. Евлоев, Маг1албика г1алий депутатий Совета кулгалхо
Интересная статья? Поделись с другими: