Парг1ата ма боларгаш

Парг1ата ма боларгаш

Цхьан актах латта пьеса
Ловзараш: Далг, Во1, нана.
Г1алг1ай ков, хьачувоаллача лашин латт, хьачувоаллача 1акхесса уллаш нув ба.
(Гучавоал Далг).
Далг. - Хаьжал, 1окхесса уллаш нув ба. Укхаза саьнга д1аоттабе мегацарий ер? Фу деш линнай-те къаеннар? Венна валар-кх со хьо йоалаечул. Дика хила йиш йий цун? Хьайоалаеча хана а адам дацар, хьайоалаяьчул т1ехьаг1а кхалаж а хинна д1аэттар.
Ший даьц1енна тара хилача яллаций из? Во1 а ва вийста валарг. Бус ханнахьа ц1а ца воаг1аш гайна хила веза ер. Д1ахьажал мишта б1еха я машина, на1араш д1акъайлаяц, ч1ега техабац, кораш догамаш т1алатташ да. Хьай даьллахьий, саг аьнна ала езаций цох? 1окхайса ядаш шиъ г1аьле юхьиг я. Т1ехье яц ер, йоацачун б1арг белхаргбоацаш, йолачун дог деларгдолаш. Хьажал хьо малаг1а г1аьленаш я увзараш! Вийста валарг ва-кх!
(Да чувода, во1 хьааравоаг1а).
Во1. Барт бийтта ваха хургва-кх ер. Яппараш елга мара кхьа х1ама дагадохаш вац ер-м. З1амига волча хана хьесташ лелавора, шера кхозза керда барзкъаш эцар. Воккха хинначул т1ехаг1а кхаь шера цкъа керда машен эцар. Х1анз-м геттара ц1аьрмата вийрзав. Сардамаш да багара хьаухаш. Фуд дувцар? Кхажи, Пати, Муни! Кхымелйола ц1ераш йицъеннай. Геттара б1агалаваьнав ер саг йоалаяьчул т1ехьаг1а. Цкъа бехк боаккх, т1аккха сардам боаккх, ше шийна бехк. Ларт1ара ваьнна-те ер. Цамогаш хуле лелаве ма везий ер, больнице кхувлаш, лорашта т1акхувлаш, кхача ийбеш. Т1аккха фу дергда-те укхунна? Даьра дагайохаргьяц во1а нана-м. Укх т1еххаьрча ах шера шозза больнице иллай из. Й1овхараш еш мотт 1очуболлац, маьженаш лаз яхаш 1окадаш хул. Кастта цхьаь вусарвий-те со? Хьахьажа саг воацаш, г1ийла-миска ваха ма везаргвий. Фу деш е те ц1еннана? Хьараара яла елар из?
(Коа гучайоал Нана)
- Нана. Мар а хьаг1еттав, х1анз со а йолаш я. Мичай ер, йиста яларг, г1амо 1одаь г1ам, шайт1а к1ориг, б1ехала кортилг, теккха коа чубена лехь. Ц1и яларг! Гой шоана, нах берригаш а г1айттаб. Ер уллаш я. Гой шоана мишта бувц ц1и йоаккхаш ювц цун гаргача наха. Уста-да, уста-нана, уста-воша, уста-йиша. Уст яхаш йоаккха ц1и несах йоаккхаш я. Хьайоаг1ача хана уст ба из. Г1орташ ба из, ков леладеш бола низ ба из. Хьаенаяьлча, хувцаму из. Говра баьрий хул цох. Мара из т1аяг1а, маьр-нанна из т1аяг1а, маьра-да д1акаравуг цо, ше яхачоа хьат1авоалаву-хьат1аверзаву. Массабараш маьр-нана бехсе еш хул, несий га дахаш хул. Юхьа т1ара елаш, хьажа юкъе шод боаллаш ма хулий из. Гой шоана, коа ц1ено яц, котамаша ков б1ехдаьд. Из деррига шутта даллаше а, коа хьаж латт. Тоам бац адамашта цу хьисапе боха.
Ший даь коа лаьтта сурт укхаза лоаттаде г1ерт ер сийна ц1и ялларг. Фу хадалда цун!
Ше доахаш дола сардамаш сацийтац йоккхача саго.
Из еш йола г1ар хеза коа хьагуллу берригаш нана, во1, нус, лоалахой, юртара нах. Вий кхайкаю цар 1аьдала, хьакимашта.
Остоапирлахь!
М. Картоев
Интересная статья? Поделись с другими: