Ма дусалда вай мала хий доацаш!

Ма дусалда вай мала хий доацаш!

Инаркъера нах шоай юрт дукхаезаш, из хестаеш ба. Укхазарча кашамашка д1авелла саг жожаг1ата ваха йиш яц оал цар. Инаркъенна гонахьа ухка цонаш беркате я, цигера буц хьаьна я яхаш дувц цар, юрта малхбузенгехьа яда хьунаш беркате я оал. Дале а, цхьа х1ама да укхаза кхоачам боацаш: 1одоаг1аш хий дац укхаза.
Хоаркъ яхаш цхьа хий да Инаркъенна малхабузача оаг1арахьа 1одоаг1аш. Цхьабакъда хий з1амига да, йовхал эттача мича дахар ца ховш, къайладоал.
Вай Сибарег1ара ц1адаьхкачул т1ехьаг1а хьунаг1а лелаш боаккха 1ам корайир тхона – юртарча к1аьнкашта. Жаркъий берд 1очу а хаьрца, цига этта хий дар из. Дукха ха йоаккар оаха цига ухаш, лувчаш, сало1аш. Ха-зама д1аяхача 1ам бехар сунт д1адаьлар, хий д1адахар. Цхьабакъда из моттиг йицъе магац тхона.
Ма дусалда вай хиш, 1амаш, хьасташ доацаш!
М. Мажитов
Интересная статья? Поделись с другими: