Вайна дицлургдац уж бирса денош

Вайна дицлургдац уж бирса денош

Маг1албикара Наьсаре бодача новкъа да Г1оазота кашамаш. Уж хьадийлад 1992-ча шера, вай къаман вахаре нийсденнача хатаре байнача наха хетадаь да уж.
Дукха нах гулбеннабар укхаза. Уж баьхкабар Г1алг1айчен ерригача юрташкара, г1алашкара, районашкара. Цу юкъе дакъа лоацаш вар вай республика мехка да Евкуров, бахархой, дуккха ма1а нах, кхалнах. Шоай дегашка латта сагато йийцар цар, цу хана байна, де – доаца нах дагабехар, царна маьл кхайкабир, Даьлагара къахетам бийхар.
Iуйран, итт сахьат даьлча дукха нах бар г1оазата камашка баьхка. Шоай дагашка латта балеи саготои йийцар цар, 26 шу хьалха хинна лира денош дагадехар. Наха йицъеняц из ха, ц1аккха йицлург а яц. Из деррига дага а деха, назамаш яьхар цар, саг1ах кхийттар, гаргарча нахаца в1ашаг1а бетта белар.
К1езига ха д1аяхаяц цу хана денз, цхьабакъда балан денош дицденнадац, хатаре байнача, къабаьннача наьха ц1ераш йицъеннаяц.
Дукха нах баьхкабар Г1оазата кашамашка Маг1албикера. Укхаза вар города керте латташ вола Мамилов, тайпарча организацей викалаш, города бахархой.
Маг1албикахой шоай мехка баьхача нахаца ба.
- Укх тайпара наьха в1ашаг1кхетараш Г1оазота кашмашка х1ара шера хул, - аьлар бусулба дин викал волча Л.-А. Арсамакова. - Цо тешал ду вайна 1992 шера хинна хатар ц1аккха дицлургдоаца. Мишта дицлургда из, нагахьа санна вай к1аман эггара лазаш йола чов а хинна уж д1аэтта хилча.
Вай т1ехьешта ховш а дагадоахкаш а хила деза уж. Дала къахетам болба цу хатаре байнарашта, бийрза моттиг даькъала хийла цар.
Картоев Мурад
Интересная статья? Поделись с другими: